Garoowe(Aftahannews):- Garaad Saleebaan Garaad Maxamed Garaad Maxamuud iyo Boqor Cabdillaahi Axmed Cali oo ka mid ah Madaxda Dhaqanka Beelaha Sool iyo Buuhoodle, ayaa qaaddacay Heshiiska 17-kii bishan Hargeysa ku dhex-maray hoggaamiyaha Kooxda Khaatumo Cali Khaliif Galaydh iyo Guddiga Wadahadalka Khaatumo lagula jiro u qaabbilsan Somaliland.
Garaad Saleebaan Garaad Maxamed oo ugu horreyn ka hadlay Shir Jaraa’id oo ay Salaasadii Maanta wada-jir ugu qabteen magaalada Garoowe ee Xarunta Maamul-goboleedka Puntland, ayaa sheegay haddii ay yihiin Beelaha Dhul-bahante xataa haddii hoggaaminta Maamul ee Somaliland oo dhan lagu wareejiyo Beel ahaan inaanay doonayn oo aanay qaadanayn wakhtigan.
Qodobbada Heshiiska Somaliland iyo Khaatumo oo muddooyinkii dambe wadahadallo u socdeen ku kala saxeexdeen 17-kii bishan June magaalada Hargeysa, waxaa ka mid ahaa in Dastuurka Somaliland la furo, in Somaliland loo wada sinnaado iyo qodobbo kale oo dhawr ah.
Hase-yeeshee, Garaad Saleebaan oo ka mid ah Isimmada Saamaynta muuqata ku leh deegaannada Beeshiisu degto ee Sool iyo Buuhoodle iyo Boqor Cabdillaahi, waxay sheegeen inaanay arrimahaas wakhtigan diyaar u ahayn, waxay kala socdaanna jirin, sidaas awgeedna ay ka soo horjeedaan oo aanay oggolayn, khusayna heshiiska Somaliland iyo Khaatumo dhex-maray.
Waxaannu Garaad Saleebaan Garaad Maxamed Garaad Maxamuud iyo Boqor Cabdillaahi Axmed Cali Shirka Jaraa’id ee ay Maanta ku qabteen Garoowe iyo qodobbada ay kaga hadlen-ba, idiinku soo gudbinaynaa Muuqaalkan hoose ee Daawasho wacan oo wanaagsan:-
aftahaninc@gmail.com
Aftahannews.com
Garoowe/Puntland.
