Coronavirus: Dhoofinta Shidaalka Sucuudiga Oo Hoos U Dhacday 62%

Filed under: Wararka |

Riyaad, (Aftahannews)-Dhoofka shidaalka Sucuudiga ayaa sannadkan hoos u dhacay boqolkiiba 62. Warbixin rasmi ah oo ay soo saartay waaxda dalkaasi u qaabilsan xog ururinta ayaa lagu sheegya in dakhliga ka soo xarooday dhoofka shidaalka boqortooyada uu noqday 74.8 billion riyaal ($19.9 bilyan) bilaha ugu horreeya sannadkan.

Dhoofka saliidda caydhiinka ah ee Sacuudiga, oo ah dalka ugu weyn dunida ee dhoofiya shidaalka, ayaa hoos u sii dhacayay iyadoo uu yaraaday dalabka dunida ka imaanaya, sababo la xidhiidha xanuunka coronavirus.

Wakaaladda wararka Reuters ayaa shaacisay in sicir bararka dalkaas uu gaaray 6.1 boqolkiiba bishii July, isagoo bil ka horena ahaa 0.5 boqolkiiba.

Ururka Dalalka Dhoofiya Shidaalka ee (OPEC) iyo dalalka xulafada la ah, ayaa dhimay iibgeynta shidaalka.

 

 

You must be logged in to post a comment Login