Maanta Geesi Baa Baxay: Maanso Baroor-diiq ah
Maxamed-rashiid Muxumed Faarax oo ahaa xoghayihii guud ee hore ee ururka suxufiyiinta Somaliland ee SOLJA ayaa ku geeriyooday xarunta dalka Kenya.
Waa xaq, waa qadar,waa lama baajiyaan iyoxuduud aan laga gudbi karinama laga tallaabsan Karin geeridu.
Alle ha u naxariistoMaxamed-rashiid oo ka baxay guud ahaan Bulshada reer Somalilanad gaar ahaan warbaahinta kala duwan ee Somaliland oo uu kaga jiray kaalin aan la ilaawi doonin isla markaana ay adagtahay sida loo buuxin doono.
Waxaa maansobaroor-diiq ah maqalka warka geerida naxdinta leh ee ka soo gaadhay guud ahaan dalka Somalilanddhanka Kenya maansoi Baroor-diiq ah ka tidhi Geerida Maxamed-rashiid Abwaan Nimco Aadan Hurre Maansadan oo la yidhaahdo
Maant Geesibaa Baxay waxay ku bilawday sian
Waxay tidhi.
“
Ifku geeddi weeyaan
Gabal-dhiciyo waaberi
Laga guurayaayoo
Adoomaha ku guud nool
Qofba galab ka hoydee
Allaylehe nin gob ah iyo
Halyay garasho dheer iyo
Muumin ruuxa gool-moon
U gargaari jirayoo
Ka weynaa gankiisiyo
Maanta Geesibaa baxay
Garabkayga taagnaa
Gacmo-madhan Alahayow
Adaan kuu goglanayaa
Naxariis gu weyn iyo
Raxmaddaada aan gudhin
Godolkeeda siiyoo
Qabrigiyo ku guulee
Godka aakhiruu tagay.
Nin Garaad wacnaayoo
Guddi jiray abaalkoo
Gali jiray markiisiyo
Hanad- lagu goblamay iyo
Maanta geesi baa baxay
Garabkayga taagnaa
Gacmo madhan Allahayow
Adaan kuu goglanayaa
Naxariis gu weyn iyo
Raxmaddaada aan gudhin
Godolkeeda siiyoo
Qabrigiyo ku guulee
Godka aakhiruu tagay.
Gurmad nin u ahaan jiray
Birma gaydadiisiyo
Mahuraanka gaabshoo
Qofka dhibi ay gaadhaba
U gargaari jiray iyo
Maanta geesi baa baxay
Garabkayga taagnaa.
