Hargeysa(Aftahannews):- Madaxweynaha Jamhuuriyadda Somaliland Md. Axmed Maxamed Maxamuud (Siilaanyo) iyo Wefti uu hoggaaminayo, ayaa maanta socdaal shaqo ugu ambabaxay dalka dibeddiis, waxaanu socdaalkiisa ku sii mari doonaan dalka Itoobiya oo uu uga sii gudbi doono waddanka Boqortooyada Ingiriiska, halkaas oo uu sheegay inuu hawlo shaqo iyo kuwo caafimaad u tagayo Britain.
Madaxweynaha Somaliland intii aanu dalka ka dhoofin waxa uu xadhigga ka sii jaray Dhismaha Cusub ee xarunta Wasaaradda Duulista Hawada iyo Gaadiidka Cirka Somaliland oo dhawaan laga bineeyey dacalka Galbeed ee garoonka diyaaradaha Hargeysa, waxa uu sidoo kale xadhigga ka jaray dib-u-haybayn lagu sameeyey qaybta gaadiidka la dhigo ee Madaarka Hargeysa, waxa uu kormeeray qaybaha garoonka diyaaradaha Cigaal ee magaalada Hargeysa.
Waxa uu Madaxweynuhu Salaan-sharaf ka qaatay Ciidammada Qalabka Sida ee Somaliland oo Dhabbaha Diyaaraduhu ku soo degaan Salaan ku siiyey Madaxweynaha oo uu garab-taagnaa Madaxweyne Ku-xigeenka iyo Taliyeyaasha Ciidammada kala duwan ee Qaranka Somaliland.
Halkan hoose ka ee Aftahannews/RADIO, qaybteenna codka ah ee Aftahannews ka dhegayso Codka Madaxweynaha oo ka warbixinaya ujeeddada socdaalkiisa.
aftahaninc@gmail.com
Aftahannews.com
Hargeysa/Somaliland.