Diyaarad Shaah Awgii u Fadhiisatay Magaalo aanay ku Socon iyo Yaabkii Rakaabka!

Filed under: Wararka |

Manchester (aftahannews):- Xaalad layaab leh oo noqonaysa middii ugu horreysay ee taariikhda diyaaradaha, ayaa qabsatay diyaaradda Shirkadda Jet 2 oo ku socotay Spain.

Warbaahinta dalka Ingiriiska, ayaa ku warrantay in diyaaradda Jet 2 oo ka duushay Glasgow inay si degdeg ah ugu degtay magaalada Manchester, ka dib markii la oggaaday inaanay saarneyn Biyo ku filan oo rakaabka loogu diyaarin karo Qaxwe iyo Shaah.

 

 

 

 

 

 

 

 

Wargeyska Metro, ayaa tilmaamay in lagu qasbanaaday in diyaaradda la dejiyo markii shaaca laga qaaday inaanay biyo badani saarneyn, waxaana tani layaab ku noqotay rakaabka.

Waxaa la soo weriyay in qorshaha uu ahaa in diyaarada marto hawada Ireland ka hor inta aysan si deg deg ah u caga dhigan. Sofia Claire oo oo kamid ah rakaabka ayaa boggeeda Twitter-ka ku qortay “waa layaab, marka xigta bixiya cudur daar.”

Waxay intaa raacisay in hadda kaddib ku safri doonto diyaarad aan aheyn Jet 2 hase ahaatee waxaan wali faallo bixin shirkada.

Khadar Jaamac

aftahaninc@gmail.com

Aftahannews.com.

You must be logged in to post a comment Login