Hargeysa(Aftahannews):- Guddoomiyaha Xisbiga talada haya ee Kulmiye ahna Musharraxa Jagada Madaxweynaha Xisbigaas Muuse Biixi Cabdi, ayaa Axaddii maanta magacaabay Guddiga Ololaha doorashada Madaxtooyada Xisbigaas uga hawlgeli doonta deegaannada gobolka Sanaag, waxaanay Tirada Guddigaasi ka kooban tahay 25 Xubnood.
Wareegtada uu Guddomiye Muuse Biixi ku magacaabay Guddiga Ololaha doorashada Madaxtooyada Xisbiga Kulmiye ee gobolka Sanaag, ayaa ka soo baxday Xafiiska Wararka Kulmiye u qaabbilsan ee magaalada Hargeysa, waxaana Nuqul Warqadda Magacaabista ka mid ah oo Warbaahinta Aftahannews.com soo gaadhay u dhignaa sidatan:-
“Ujeeddo: Magacaabista Guddida Ololaha Gobolka Sanaag ee Xisbiga KULMIYE. Kadib markii aan arkay muhiimadda Guddiyadda Ololaha Gobolladu u leeyihiin habsami-u-socodka iyo hufnaanta maamulka ololaha doorashada ee Xisbiga KULMIYE, waxa loo magacaabay in xubnaha hoos ku qoran ay noqdaan Guddida Ololaha Gobolka Sanaag ee Xisbiga KULMIYE, laga bilaabo maanta oo ay bishu tahay 14 October, 2017. Gobollada dhiman waxa la soo magacaabi doonaa dhawaan.
Gobolka Sanaag:
- Ibraahim Carraale Cabdi -Guddoomiye
- Cali Baashe Xaaji Maxamuud Shire –Guddoomiye Ku Xigeen
- Yuusuf Xasan Faarax
- Ibraahim Axmed Maxamuud
- Maxamuud Raage Ibraahim
- Ilhaan Maxamed Jaamac
- Siciid Xusseen Axmed –
- Maxamed Yuusuf Rooble
- Maxamuud Saalax Cabdi
- Maxamed Khaaliif Nuur
- Siciid Maxamed Ismaaciil Khaliil
- Mustafe Cumar Faarax
- Maxamed Iidle Cabdulle
- Maxamuud Axmed Saalax
- Cabdirisaaq Maxamed Cali
- Siciid Yaasiin Maxamed
- Aamina Cali Yuusuf
- Khadiija Maxamuud Yuusuf
- Xaliimo Cumar Cali Dheere
- Saynab Cali Shire
- Dr. Maxamed Axmed Cabdi
- Suleymaan Cawad Bukhaari
- Khadar Cali Xasan
- Kaltuun Khaliif Dubbe
- Siciid Maxamed Cismaan
Fiiro – gaar ah: Guddoomiyaha Xisbiga KULMIYE ee Gobol kasta, waxa uu noqonayaa Xoghayaha Guddida Ololaha ee isla Gobolkaa. ALLAA MAHAD LEH.” Sidaa ayaa lagu yidhi Qoraalka Magacaabista Musharrax Muuse Biixi.
aftahaninc@gmail.com
Aftahannews.com
Hargeysa/Somaliland.
