Australiya(Aftahannews)-War Murtiyeed ka soo baxay Xafiiska Gudoomiyaha cusub ee Xisbiga Kulmiye ee Qaarada Australiya oo uu ku saxiixan yahay Afhayeenka Xisbiga Kulmiye Australiyaa ayaa lagu shaaciyey mahadnaq iyo dardar gelin, war murtiyeedkaas oo dhamina wuxuu u qornaa sidan.
Afhayeenka Xisbiga Kulmiye Australiya wuxuu uga mahad celinayaa dhamaan taageerayaasha Xisbiga Kulmiye ee Qaarada Australiya iyo Wadamada dunida ee Xisbigu ka dhisan yahay, Sidii fiicnayd ee ay u taageereen uguna soo hambalyeeyeen xilka loo doortay Gudoomiyaha cusub ee Australiya Mr Ahmed Mohamud mohamed (Ahmed Weyne).
Waxaan kale oo hambalyo iyo mahad celin aad u balaadhan u dirayaa dhamaan Hogaanka Xisbiga Kulmiye oo aan ku hanbalyeeynayo dhamaan guulaha iyo taageerada ay Ka soo hooyeen Gobolada somaliland Oo dhan,taasoo ka markhaanti kacaysa sida Shacbiweynaha Somaliland ugu heelan yihiin inay mar labaad codkooda siiyaan Xisbul Xakimka Kulmiye.
Afhayeenka Xisbiga Kulmiye Australiya wuxuu isla war murtiyeedkaas ku cadeeyey inay shaqo badan ay sanadkan u taalo, sida ugu dhaqso badana ay wefti balaadhan oo madaxda Xisbiga Kulmiye Australiya ah u diri doonaan dhamaan Gobolada Australiya, socdaalkaas oo ujeedadiisu tahay sidii kor loogu qaadi lahaa loogana qayb qaadan lahaa doorashada kaabiga inagu soo haysa ee sanadkan dabayaaqadiisa dhacaysa.
Wada Shaqayn Wacan
Allaa Mahad Leh
Afhayeenka Xisbiga Kulmiye Australiya
Eng. Warsame Cabdi Aadan.