Hargeysa(Aftahannews):- Faadumo Aadan Cawad oo ka mid ah Saraakiisha Garabka Haweenka Xisbiga Mucaaradka ah ee Waddani, ayaa weerartay Wasiirka Warfaafinta Somaliland Cismaan Cabdillaahi Saxardiid (Caddaani), oo ay ku sheegtay inaanu waxba u taraynin Musharrax Muuse Biixi iyo Madaxweyne Siilaanyo toona, waxaanay sheegtay inuu Habeenkii ka tirsan yahay Xisbiga Waddani oo uu qaadhaankiisa bixiyo, Maalintiina Kulmiye ka tirsan yahay.
Faadumo Aadan oo Maanta qaar ka tirsan Saxaafadda Hargeysa kula hadashay, ayaa sheegtay inuu Wasiir Caddaani habeenkii xubin buuxda ka yahay Xisbiga Mucaaradka ah ee Waddani, Maalintiina Xubin ka yahay Xisbiga Muxaafidka ah ee Kulmiye.
Waxaannu Faadumo Aadan oo arrimahaas iyo kuwo kale oo badan oo kala duwan ka hadlaysa oo ay arrinta meel-marinta Saldhigga Millateri ee Imaaraadka Carabta laga siinayo magaalada Berbera iyo xaaladda Xisbiyada, idiinku soo gudbinaynaa Muuqaalkan Hoose ee Daawasho wacan oo wanaagsan:-
aftahaninc@gmail.com
Aftahannews.com
Hargeysa/Somaliland.