Jakarta (Aftahannews):– Dowladda Australia, ayaa dib ugu soo celisay doonni siday Muhaajiriin Soomaali ah wadanka Indonesia iyadoo aan ku sii war galin dalka Indooniisiya inay ku soo celinayso doonni sidda dad muhaajiriin ah oo sharci darro dalkaas ku gelayay.
Doonida ay dawladda Ustareeliya dib uga celisay dalkeeda , ayaa sida la sheegay sidday dad gaadhaya 45 ruux oo isugu jira Muhajiriin Soomaali iyo Sudan kala ah waxayna soo gaadheen Xeebta Island ee ku taala Bariga Indonesia.
Wasiirka laanta socdaalka Australia Scott Morrison, ayaa sheegay in doonidaasi ay dib ugu celiyeen dalka Indonesia kadib markii si sharci darro ah ay ku soo gashay Biyahooda , isagoo meesha ka saaray in dowladiisu ay ku xad gudubtay Madaxbanaanida dalka Indonesia.
Aftahannews.com
Hargeysa Somaliland