Washington(Aftahannews):- Wasaaradda Amniga Qaranka Maraykanka, ayaa ku dhawaaqday in dadka u dhshay Somalia ee sharci la’aanta amma sida ku meelgaarka ah u jooga Maraykanka loo oggolaanayo in sharci ku meel gaar ah loo kordhiyo muddo 18 bilood ah.
Arrinta ayaa saamayn ku yeelanaysa dadka Soomaalida ah ee aan haysn sharciga dalkan Maryaknka. Xoghayaha aminga qaranka ee Marykanka Jeh Johnson, ayaa War-Saxaafadeed uu soo saaray waxa uu ku shaaciyay in dawladda Maraykanku ay oggolaatay in muddo 18 bilood ah loo kordhiyo sharciga ku-meel- gaadh ah ee loo yaqaan TPS dadka haysta dhalashada Soomaaliga ee ku sugan gudaha waddanka Maraykanka.
Sharci-yaqaan Cabdinaasir Maxamed Cabdillaahi oo ka hawlgala gobolka Minnesota, ay ugu warramay sharcigan iyo ahmiyadda uu leeyahay. Helista sharcigan ayaa u baahan in la soo buuxiyo codsiyo gaar ah oo loogu talagalay sida uu faahfaahinayo sharci-yaqaan Cabdinaasir Maxamed Cabdullaahi. Tallaabadan ayaa rejo badan gelinaysa dadka sida ku-meel-gaadhka ah u joogay Maraykanka.
Dawladda Maraykanka ayaa go’aankan ku salaysa xaalaadda ka taagan Soomaaliya oo aan immika saamaxaynin in Hay’adaha socdaalka ee Maraykanku ay dadka bilaa Sharciga ah ku celiyaan waddankoodii ay u dhasheeen.
Xigasho BBCSomali.com
aftahaninc@gmail.com
Aftahannews.com
Hargeysa/Somaliland.
