Boorama(Aftahannews):- Jaamacadda Camuud ee duleedka magaalada Boorama ee xarunta gobolka Awdal ku taalla, ayaa waxa Axaddii maanta ka qalin-jebiyey 13- dufcadood oo tiradoodu dhammayn 621 Arday oo dhammaystay Waxbarashada Kulliyadaha kala duwan ee ay ka kooban tahay Jaamacaddu.
Waxaa Munaasibadda Qalin-jebinta 621-ka Arday ee ah Dufcadda 13-aad ee Jaamacadda Camuud loo sameeyey lagu qabtay Hoolka Jaamacadda, taasoo ay goob-joog ka ahaayeen Madaxweynaha Somaliland Md. Axmed Maxamed Maxamuud (Siilaanyo) oo Ardaydaas oo Dhegoole-yaal ku jiraan Shahaadooyinka guddoonsiiyey, ka sokow Masuuliyiinta Jaamacadda, Waalidiinta Ardayda, Wasiirro, Xildhibaanno, iyo Madax-dhaqmeedka Somaliland qaarkood.
Haddaba, Xafladdaas oo ay Madax kala duwan iyo Madaxweyne Siilaanyo Khudbado kala geddisan ka jeediyeen, Ardaydana Hambalyeeyeen, uguna soo jeediyeen inay halkaas ka sii wadaan dedaalkooda, ka sokow, waxaannu halkan idiinku soo gudbinaynaa Sawirradii Bilicda lahaa ee Munaasibadda Qalin-jebinta Dufcadda 13-aad ee Ardayda ka baxday Jaamacadda Camuud ee nala daawada.
aftahaninc@gmail.com
Aftahannews.com
Hargeysa/Somaliland.
