Muqdisho(Aftahannews):- Ciidammada Qalabka sida ee Dowladda Federaalka Soomaaliya ayaa saaka toogatay labo gacan ku dhiigle oo ka dambeeyay dilkii loo geystay Nafisa Cismaan Salaad oo eheyd gabar arday ah.
Labada gacan ku dhiigle ayaa lagu toogtay barxadda iskool boliisiya ee Magaalada Muqdisho, kuwaas oo ay hore maxkamada sare ee ciidamada qalabka sida dil toogasho ugu xukuntay.
Goobta lagu toogtay labada gacan ku dhiigle ayaa waxaa goob joog ka ahaa guddoomiyaha Maxkamada Darajada Koowaad ee ciidamada qalabka sida Liibaan Cali Yaroow oo ku dhawaaqay in la toogtay Xasan Maxamed Cabdi (Salmaan) iyo Shaafici Cabdi Xersi (Shaataa) oo ay ku cadaatay iney ka dambeeyeen dilkii Allaha u naxariistee Nafisa Cismaan.
Raggan oo Maxkamada Darajada Koowaad ee ciidamada qalabka sida ay horay u xukuntay, ayaa Racfaan ka qaatay xukunkaasi, waxaana markale xukuntay Maxkamadda Sare ee ciidamada Qalabka sida oo ku raacday Xukunkii Maxkamada Darajada Koowaad ee ciidanka, kaasi oo ahaa xukun dil toogasho ah.
Halkan hoose ee TV-ga Qaranka Soomaaliya ka daawo barnaamijkaas dilka toogashada ah oo dhammaystiran.
aftahaninc@gmail.com
Aftahannews.com
Muqdisho/Soomaaliya/Office.
