Gabdhaha la baadi-goobayo ee reer Nigeria oo la aqoonsaday iyo Shuruudda ku xidhan!

Filed under: Wararka |
Nigeria(Aftahannews):- Qaar badan oo ka mid ah Qaraabada iyo asxaabta gabdhaha la afduubay ee Nigeria ayaa ka dhex aqoonsaday gabdhahooda muuqaalkii ay sii daayeen ururka Boko Xaraam.
NigeriaVideo ay soo bandhigeen Boko Xaraam ayay ka muqdeen gabdhaha la afduubay

Muuqaalka ayaa la tusay qaar ka mid ah qoysaska qabdhahaasi maalin ka hor. Xukuumadda Nigeria waxay sheegtay in ay sii wadi doonto dariiq kaste oo lagu soo dayn karo isla markaana lagu badbaadin karo gabdhahaasi.

Wasiirka Warfaafinta Labaran Maku, ayaa ku gacansayray hadal uu horay u sheegay wasiirka arimaha gudaha oo ahaa in dowladdu aysan wax wadahadal ah la geli doonin Boko Xaraam. Waxaana uu intaas ku daray in dowladdu ay samaynayso wax kasta oo gabdhhaas lagu badbaadin karo.

Boko Xaraam waxaay sheegtay inay doonayso in gabdhaha ay sii dayso ayna ku baddalato xubnaha Boko Xaraam ee dawladda u xiran.

Madaxwaynaha Nigeria Goodluck Jonathan ayaa baarlamaanka ka codsaday in ay lix bilood ku kordhiyaan xaaladda deg degga ah ee waqooyi-bari Nigeria ee la soo rogay sanad ka hor.

Aftahannews.com

Muqdisho/Soomaaliya/Office.

You must be logged in to post a comment Login