Soomaaliya(Aftahannews):- Madaixii caafimaadka kooxda Al-Shabaab ee ka dagaalanta koonfurta Soomaaliya ,ayaa lagu dilay weerar dhinaca cirka ah oo lagula eegtay gantaal ay ku ridday diyaarad ah nooca aan duuliyaha lahayn ee loo yaqaanno Drones.
Waxaa galabta weerar qorshaysan oo dhinaca cirka ah lagu dilay Sarkaal sare oo ka tirsanaa ururka Al Shabaab, kaasoo lagu weeraray diyaarad ah nooca aan cidi wadin ka dibna gantaal ku dhufatay gaadhigii uu watay oo la sheegay inuu marayay meel ka mid ah gobolada Bay iyo Bakool oo aan toos loo magacaabin halka ay tahay.
Madixii caafimaadka kooxda Al-Shabaab Axmed Cabdiqaadir Cabdilaahi, oo lagu naaneysi jiray Cammo Isku Dhuuq.ayaa ku dhintay ka dib markii gaadhigii uu saarnaa ay gantaal ku gubtay diyaarad ku soo qaaday weerar qorshaysan oo loogu talo gay in lagu khaarajiyo
Warkan oo goor dhaweyd soo baxay,ayaa intaa ku daray in uu la dhintay dirawalkii gaadhiga la qarxiyay u waday oo lagu magacaabo Maxamed Cabdilaahi.
Sarkaalka la dilay ayaa la sheegay inay aad isugu dhawaayeen hoggaamiyaha kooxda Al-Shabaab Axmed Cabdi Godane
Aftahannews.com
Hargeysa Somaliland
