Muqdisho(Aftahannews):- DDawladda Soomaaliya,ayaa qorshaysay weerarkii ugu weynaa ee lagu qaado saldhig ka mid ah saldhigyada kooxda Al-Shabaab,kaasoo ah magaalo xeebeedka Baraawe ee koonfurta Soomaaiya.
Ciidammadda AMISOM eek u sugan magaalada Baydhaba iyo kuwa dawladda Soomaaliya,ayaa la sheegay inay toos ugu dhaqaaqeen magaaada Baraawe,halkaaso oo ay sheegeen inay ka xoraynayaan kooxda Al-Shabaab oo imika ku sgan.
Saraakiisha dawladda Soomaaliya,ayaa sidoo kale, sheegay in magaalada Xeebta leh ee Baraawe, gobolka Shabeeaha Hoose, ay ku qaadi doonaan weerar qorsheysan oo lagu doonayo in gabi ahaan Kooxda Alshabaab lagaga fara-maroojiyo Deegaankaasi.
Saraakiisha, ayaa Tilmaamtay in dagaalka iyo dib u xoreynta magaalladaasi, ay ka qeybqaadan doonaan Ciidamadii Dowladaha, Uganda iyo Burundi ee laga soo celiyay magaalada Baydhabo, waxaayna sheegeen in iminka ay ku jiraan qabanqaabadii ugu dambeysay ee weerarkaasi lagu fulin lahaa.
Dhanka kale,Saraakiisha Millitariga Ciidamada DFS iyo AMISOM ayaa dejinaya Qorsheyaal kale oo ay ugu diyaar garopbayaan Weerarro dhowr jiho ah oo dagaal lagaga furayo Kooxda Al- Shabaab, ee ku kala sugan Koonfurta, Badhtamaha iyo Galbeedka dalka Soomaaliya
Dhinaca kale kooxda Al-Shabaab,ayaa la sheegay inay ku jirto diyaar garaw dhankooda ah isla markaana ay gaadiid dagaal oo tiro badan isugu keeneen magaalada Baraawe isla markaana waxay sheegeen Al-Shabaab dhankooda inay difaacanayaan magaalada ay ku sugan yihiin ee Baraawe isla markaana ay qabsan doonaan magaalooyin kale oo ay Baydhaba ugu horraysao.
Aftahannews.com
Hargeysa Somaliland.
