Hargeysa(Aftahannews): Waxaannu Akhristayaal halkan idiinku soo gudbinaynaa Gabay uu tiriyey Abwaan Mustafe Xuseen Daahir (Mustafe-Plaza), waxaanu kaga hadlayaa xadhigga ay Xukuumadda Somaliland kula kacday Guddoomiye Ku-xigeenkii hore ee gobolka Togdheer Guuleed Daahir Faarax oo khamiistii laga sii-daayey Saldhigga dhexe ee Booliska magaalada Hargeysa iyo inta kale ee la midka ah ama Muwaaddiniinta ah ee aan sharciga ku gefin ee la xidho ama la xidhay-ba.
Waxaanu Gabaygaas oo uu ugu magac-daray Gudgude u bilaabay sidan:-
Gurayoow waxaan tirinayaa maanso godobeede
Gawdh gawdhi maaye runtaan soo gayaxayaaye
Gantaalahana goobtaan la rabo waan ku ganayaa
Gud gudaha waxaan moodayey gobolkii maasheeyey
Gudcur soo madow iyo walee noqotay gaaleefe
Gondahaygii gumucbaa la dhigay laysku gubayaaye
Gumaystaha wixii lagu yiqiin goobtan ka ciyaarye
Gadhcadaadigii xilka loo igmaday xaajo gudan waaye
Guruubaa ina haysta aan caqli kala gu,u roonayne
Girgirkaana loo saaranyahay guluf colaadeede
Shacabkaa ka gaabshe mar hore gaydhe soo kiciye
Hadii aan garnaylkii rakibo gudinta aan daabto
Gabayga iyo maansadu aniga waa ii gumac rasaaseede
Mana gaabin maayee runtaan soo gudbinayaaye
Goobtii aan la rabay waliba waan ku ganayaaye
Gun udaadagaygii wixii kiciyey guulaamo
Hadaan goobta soo dhigo warkii gabax ka soo siiyo
Gedii waabeeyeyeel iyo marki layidhi guuleed guunyo naga qaado
Laandheeraha gedii laguyaqiin gob iyo caadkeeda
Markii uu ka gabsaday uu gun nimo diiday
Ma gayo markuu yidhi guuleed guuto lagu saarye
Galin danbe habeenimo intuu gurigii loo daatay
Oo gaadhi lagu soo ritoo lalana soo guureeye
Waxa loo goleeyahay inuu dabo gucleeyaaye
Oo kolba gabanka reeraha ku jira soo gagabiyaaye
Googarad ma qaato nin ragi gabadh sideediiye
Geesinimadu waa haybad gaaroo guule bixiyaaye
Goboluu xukumayoo guuleed waxbadan gaadh ka ahaaye
Cidna garabka muu saari jirin gacal walaalayne
Burco waw gudboonayd guuleed labada geesoode
Inan gumeed un baa kala gur iyo gocosho daynayne
Dhamaantiin kulmiye soo gala ayaa ragii xabsiga loogu gurayaaye
Haday gubato landteenu oo guriga hayl haysho
Xilka kuwii guudka loo saaray gujo gujayn iyo gocosho daynwaaye
Gardaradan masuul yaa ka noqon galabta waa yaabe
Guulwadaynta waa lagu gubtaa lagu gomoobaaye
Madaxtooyadaa lagu gala geesi xadhigiiye
Hadaad hayso guuleed calaw sharaf ku goobayso
Ceeb weeye guudkaaga sudhan kaana go,ayne
Duur iyo gaboosaad ogayd waxay tan ugu gaysteene
Gondahaaga eegoo calaw hayska gubin shaadhka
Gun udhaadhicii waxaan dawladani gun iyo baar leeyay
Shacabkaa ku gaystaye kursigan kama dul guuxdeene
Xirsi gaab garaad iyo masuul iyo geeshash odayaala
udanbeeyay guuleed sifudud kuma gureen jeele
Adeernimo xil loogumo garteen bir iyo gaashaane
Abaalkeeni weeyaan axmadow waxa ina gaadhaaye
Gacamihiina eersada iyo ilayn waa gooya farihiina
Waxse aanan ciil ugu go,ayn bari gadaasheedba
Tartan loo gudboonyo markay doorashadii gaadho
Ninkastiyo garaadkii markay ololihii gaadho
Shanta sano waxaad gaysateen ee kuugu qoran buuga
go,aankii lagaadhiyo guuldaradu waa galabsigiiniiye
Subaxaa is gowraca hadaba walee mar danbe ima godoshaane.