Hargeysa(Aftahannews):- Maansadan oo magaceedu yahay Cisi waxa ay ka hadlaysaa waxqabadka iyo qofnimada Wasiirka Wasaaradda Waxbarashada iyo Tacliinta Sare ee Somaliland Marwo Samsam Cabdi Aadan, waxaanay marag u tahay dedaalka badan ee ay ugu jirto tayaynta iyo horumarinta waxbarashada oo ay u qalanto in murti lagu sheego. Maansadan oo oo baxday Jenewari/2014ka waxaa curiyay Hal-abuurka da’da yar ee Xasan Maxamed Xuseen.
Meerisyadeedina waa kuwan:
Samsam caynaddeediyo
Haweenkeena caankee
Cisi lagu majeertaa
Camalkay hayaan iyo
Bulshaday u ciidmeen
Cadhaan laga dareemayn
Culuuntiyo waxbarashada
Ciidan bay u noqotoo
Dugsiyadu camuudda
Caawa way ka badanyiin
Siyaasadda cantuugiyo
Kamay baran calooshoo
Cuudkeedi waa taa
Carradeenna Gelisaba.
Maxay galab carrawdoo
Carri shaqo u aaddoo
Caruurteenna awgood
U hurtaa caqliyo tamar.
Ma taqaanno casabiyo
Cunsur iyo qabiil iyo
Caadooyinkii hore
Dartood loo curyaamoo.
Qof kastoo canaantoo
Ciwaj iyo ku dura been
Waa cambaar mid wada oo
Ceebeeyay mudan aan
Cunfi iyo dhib aan geyin
Qof cajiiba inay too
Dadku wada ciseeyana
Waxa kuu caddayn kara
Billadaha culculus iyo
Sharaf lagu cigaaliyo
Guddidii cuslaydee
Cilladaha Kulmiye iyo
Dawaynaysay cudurkaba
Waata loo cumaamaday
Caarba kaliged lagu daray
Tawxiidka culus iyo
Cirshigiyo Quraankaan
Cuskadaye Allawhayow
Cimrigeeda dheeree
Caafimaad ku noolee.
Baahinta Aftahannews.com
Hargeysa/Somaliland.