Qahira(Aftahannews):- Taliyihi hore ee Milliteriga Masar, ayaa sheegay in Ururka Ikhwaanul Muslimiinku aanu sii jiri doonin haddii loo doorto Madaxweyne waddanka Masar.
![Sisi](https://wscdn.bbc.co.uk/worldservice/assets/images/2014/05/06/140506011356_sisi_512x288_afp_nocredit.jpg)
Dadka reer Masar qaarkood ayaa waddooyinka ku daawanayay wareysiga Sisi
Cabdifitaax Al-Sisi ayaa sheegay in dadka reer Masar ay diideen ururka Ikhwaanul Muslimiinka. Waxaa uu ka hadlayay TV-ga wareysigii ugu horrey ee uu bixiyo tan iyo markii uu si rasmi ah isu soo sharaxay.
Al-Sisi ayaa hoggaaminayay militeriga dalkaas marka xukunka laga tuurayay Maxamad Mursi bartamihii sanadkii hore. Hal murashax oo kaliye ayaa doorashada kula tartamaya Al-Sisi, waxaana la filayaa inuu guulaysan doono.
Doorashada madaxweyne ayaa dalkaas laga qaban doonaa muddo saddex toddobaad gudahood ah. Al-Sisi ayaa wasiirka difaaca u ahaa Mursi ka hor inta uusan xukunka ka tuurin.
Aftahannews.com
Muqdisho/Soomaaliya/Office.