Hargeysa (Aftahannews):- Professor Axmed Ismaaciil Samatar, ayaa sheegay inay jiraan beelo Somaliland ku dulman oo ay wax ka maqan yihiin,waxaanu sidaa ku sheegay qudbad uu caawa ka jeediyay kulan balaadhan oo aqoon is weydaarsi ah oo si weyna loo soo abaabulay laguna qabtay Xarunta Jaamacadda Gollis ee magaalada Hargeysa ,kulankan oo ay kasoo qayb galeen maamulka kala duwan ee Jaamacadda Gollis.
“Waxaan arkay dee meel laba beelood uun is eryanayaan ,iyada oo ay ku qadeen beelaah Barriga Somaliland dega oo kamid ah beelaha halkaasi isku hirdiyaya beel ahaan ,haddana way ku dulman yihiin halkaasi”.ayuu yidhi Professor Axmed Ismaaciil Samatar.
Professor Axmed Ismaaciil Samatar.oo ka hadlayay kala duwanaanshaha Somaliland iyo Soomaaliya tusaalena u soo qaatay dhacdo uu kala kulmay Muqdisho markii uu u tartamayay kursiga Madaxweynaha Soomaaliya,ayaa yidhi.
“Waxaa kale oo jirta inay dhabtahay kala duwanaanshaha uu walaalkay sheegay ,waxa jirtay in waqtigii aan doorashada ka qayb gelaayey Soomaaliya uu shir la yeeshay madaxweynihii Soomaaliya dad badan oo dawlada kamid ahaa ,kadib markii shirkii dhamaadayna uu nin hadlay ,waxaanu yidhi waar horta ninkan kaambaynka culus innagu haya ee ina Samatar muxuu Boorame uga talin waayey,taasi maaha xataa haddii uu Madaxweynaha Somaliland Axmed Maxamed Maxamuud Siilaanyo la shiro reerkiisa mid ka suurtowda ,waayo lama odhan karo Soomaaliya waar calankii ayaad hoos fadhidaa ee sidaa ha odhan lagamana qaban”.
Waxa kale oo uu soo jeediyey Professor Axmed Ismaaciil Samatar oo uu ardayda Jaamacadda Golis ka waaniyay dhibaatada qabyaaladda oo uu tilmaamay inaanay qarannimo iyo qabyaaladi meel wada mari Karin isla markaana ay yihiin laba aan is qaadan karin.
Aftahannews.com
Hargeysa Somaliland
