Hargeysa(Aftahannews):- Madaxweynaha Somaliland Axmed Maxamed Maxamuud (Siilaanyo), ayaa maanta magaalada Hargeysa ka furay Shirweynaha lixaad ee Qaadhaan-bixiyeyaasha Caalamka ee Somaliland ka taageera dhinacyada Horumarka, hannaanka dimuquraadiyadda iyo doorashooyinka, kaasoo ay goob-joog ka ahaaayeen in ka badan toddobaatan Sarkaal oo ka socday Hay’adaha iyo Safaaradaha dalalka Reer Galbeedku ku leeyihiin magaalada Nairobiee dalka Kenya.
Waxyaabaha ugu muhiimsan ee xoogga lagu saarayo wejiga 6aad ee shirka Qaadhaan-bixiyaasha iyo Somaliland, waxa ka mid ah doorashooyinka la filayo sannadka dambe inay ka qabsoomaan dalka iyo sidii dib loogu eegi lahaa mashaariic horumarineed oo Somaliland loogu qoondeeyey shirweyne Sannadkii hore ka dhacay Xarunta Midowga Yurub ee Brussels, kaas oo lagu kala saaray mucaawimooyinka beesha Caalamku ku taageerto Somaliland iyo Soomaaliya.
Wasiirka Wasaaradda Qorshaynta Qaranka Dr Sacad Cali Shire oo warbaahinta uga warramay ujeeddada shirka, ayaa faahfaahin ka bixiyey mashaariicda wax-qabadkooda lagaga hadlayo shirkan oo muddo laba maalmood ah socon doona.
Halkan hoose ee AFTAHANNEWS AND RADIO ka dhegayso codka Warkan.
aftahaninc@gmail.com
Aftahannews.com
Hargeysa/Somaliland.
