Boosaaso(Aftahannews):- Madaxweynaha Maamul-goboleedka Soomaaliyeed ee Puntland Dr. Cabdiwali Maxamed Cali Gaas, ayaa maanta si diirran loogu soo dhaweeyey magaalada Boosaaso ee xarunta gobolka Bari ee Puntland, halkaas oo uu maanta booqasho ku yimaaddeen Madaxweyne Gaas iyo Wefti uu hoggaaminyo oo ay Xubno ka yihiin Wasiirro, Xildhibaanno iyo Saraakiisha Ciidanka Maamulkaas.Madaxwaynaha
Soo dhawaynta Madaxwaynaha Dowlada Puntland,waxaa ka qayb qaatay Wasiiro,Maamulka Gobolka Barri,Kan Degmada Boosaaso,Odayaal,Waxgarad,Haween,Dhalinyaro iyo dhamaan qaybaha kala duwan ee Bulshada ku dhaqan Magaalo Ganacsiyeedka Puntland Boosaaso.
Madaxwaynaha Dowlada Puntland Mudane Cabdiwali Maxamed Cali Gaas ayaa dhamaanba gacan qaaday dadkii ka qayb qaadanayay soo dhawayntiisa,oo qaybtood uga horyimaaden halka laga soo galo Magaalada Boosaaso .
Madaxwaynaha Dowlada Puntland Dr.Cabdiwali Maxamed Cali Gaas iyo Waftigiisi markii ay gudaha u soo galeen Magaalada Boosaaso,waxaa loo galbiyay aqalka Madaxtooyada Puntland ee Boosaaso.
Shir jaraa’id oo uu Madaxwayne Mudane Cabdiwali Gaas Ku qabtay Aqalka Madaxtooyada Puntland ee Boosaaso,ayuu ku tilmaamay in safaradii uu ku marayay qaar kamid ah gobolada Puntland Salka ku hayeen u kuur galida xaalada nololeed ee shacabka ku dhaqan Gobolada Puntland.
Madaxwaynaha Dowlada Puntland Mudane Cabdiwali Maxamed Cali Gaas ayaa sidookale tilmaamay in uu ku soo guulaystay dhisida golayaal deegaan oo qaybtood laga soo dhisay Degmooyin ay kamid ahayd Degmada Balidhidin oo katirsan Gobolka Barri.
Xogta: Xafiiska Warfaafinta Madaxtooyada Dawlad-goboleedka Puntland ee Soomaaliya ee magaalada Garoowe.