Istanbul(Aftahannews):- Jaaliyadda reer Somaliland ee ku dhaqan waddanka Turkiga, gaar ahaan magaalada Istanbul, ayaa Munaasibad ballaadhan oo ay ugu dabbaal-degayaan 23-guurada ka soo wareegtay ku dhawaaqistii gooni-isu-taagga Jamhuuriyadda Somaliland ee 18-ka May waxay ku qabteen magaaladaas.
Munaasibadda ay soo abaabuleen Jaaliyadda reer Somaliland ee deggen waddanka Turkiga iyo Ardayda reer Somaliland ee dalkaas wax ka barata, ayaa ku qabsoontay jewi farxadeed, xafladdaas oo si heer-sare ah loo soo agaasimay, ayaa lagu muujiyey muhiimadda maalinta Qarannimada Somaliland.
Xaxa Xafladdaas ka hadlay Guddoomiyaha Ardayda Soomaliland ee wax kabarata waddanka Turkiga ahaana Guddoomiyaha Guddiga qaban-qaabada Xuska 18-ka May Maxamed Jaamac Cali, isaga oo hambalyo u diray dhammaan shacbiweynaha Somaliland meel kasta oo ay ku sugan yihiin, Illaahay-na uga baryay inuu u siyaadiyo nabadda iyo xasilloonida.
Waxa isna sidoo kale madashaas ka hadlay Guddoomiyaha Jaaliyadda Somaliland ee Turkiga Siciid Aadan Daahir oo si weyn ugu mahad-naqay Jaaliyadda sida waddaniyadda leh ee ay uga qayb-qaateen xuska 18-ka May.
Dhamaantoodna waxa ay mahad-naq balladhaan u jeediyeen Xukuumadda Jjamhuuiyadda Somaliland, gaar ahaan Wasiirka Wasaradda duulista iyo hawada Maxamuud Xaashi Cabdi, iyagoo hoosta ka xariiqay in Wasiirku uu kaalin mug leh ka gestay qabsoomidda Xafladdaas.
Gebo-gebadii waxa munasibaddaas soo afmeertay Guddoomiyaha Garabka Haweenka UCID Laantisa UK Marwo Farduus Cige, waxaanay mahad-naq u jeedisay Madaxwaynaha Jamhuriyadda Somaliland sida uu mar kale ugu dhiirraday in uu Baarlamaanka ka codsado in Haweenka Somaliland kooto go’an laga siyo Kuraasata Baarlamaanka doorashada sannadka soo socda la filayo inay dalka ka qabsoonto.
Waxa kale oo ay Farduus Cige ku dheeraty muhiimadda ay leedahay maalinta Qaran, iyadoo ku boorrisay dhalinyarada in ay wax bartaan si mustaqbalka ay dalkooda iyo dadkooda u afacaan, waxaanay farriiin u dirtay Xukuumadda Soomaaliya oo ay ugu baaqday inaanay jirin wax ka wanaagsan laba dawladood oo deris ah inay ahaadaan Somaliland iyo Soomaaliya.
aftahaninc@gmail.com
Aftahannews.com
Stanbul/Turkey.
