Garoowe (Aftahannews)- Madaxweynaha maamul goboleedka Puntland Siciid Cabdullaahi Deni, ayaa maanta oo taariikhdu tahay 26-da July 2022, soo saaray Xeer Madaxweyne Lr. 40, kaa oo uu ku magacaabay xilal Cusub.
Saciid Cabdullaahi Deni Madaxweynaha Puntland, ayaa magacaabay La-taliye Madaxweyne Ku xigaanka maamul goboleedka Puntland.
Qoraal ka soo baxay Madaxweynaha maamul goboleedka Puntland Siciid Cabdullaahi Deni, ayaa waxaa lagu yidhi sidan:-
Markuu arkay: Dastuurka Dowlad Goboleedka Puntland Qodobkiisa 80-aad.
Markuu arkay: Aqoontiisa iyo waayo-aragnimdiisa shaqo.
Markuu la-tashaday: Madaxweyne Ku-xigeenka Dowladda Puntland.
Wuxuu xeeriyey:
1. Waxaa Cabdirisaaq Mire Xasan (Gawiido) loo magacaabay la-taliyaha Madaxweyne Ku-xigaanka ee Arrimaha Siyaasadda.
2. Xeerkani wuxuu dhaqan geleyaa markuu Madaxweynuhu saxeexo, wuuna saxeexay.