Safiir Kawaaleeye oo Faahfaahiyey Muhiimada Madaxweynaha Jabuuti u sameeyey xafiiska Somaliland
Hargeysa(Aftahannews):- Xafiiska Qunsuliyada dalka Jabuuti ee Hargeysa ayaa shaaca ka qaaday inay balaadhin doonaan adeegyada ay u qabtaan muwaaddiniinta Jabuuti & kuwa SomalilandAmb Xuseen Cumar(Kawaaleeye), ayaa faahfaahin ka bixiyey adeegyo kala duwan oo ay qabteen sannadkii dhamaaday.
“Waxaan u samaynay 53 dhalasho sannadkii dhamaaday, iyo caddaynta qofka ku dhasha Somaliland ooh ore aan u haysan goob ay ugu hagaagaan ayaa madaxweynaha Jabuuti Md Ismaaciil C Geele ugu sameeyey xafiiskan in muwaadiniinta Jabuuti xaqooda u helaan, waxaan caddaynay labaatan qof oo ku dhintay geyiga Somaliland (Ilaahay ha u naxariistee).” sidaa ayuu yidhi Safiirka oo shalay warbaahinta kula hadlay xafiiskiisa xarunta Safaaradda ee Hargeysa.
Kawaaleeye, ayaa sheegay in adeegyada xafiisku u qabto jaaliyada reer Jabuuti ka mid yihiin caddeynta dadka isku guursada Somaliland shahaadada meherkooda, dadka baasaboorku ka dhaco oo la siiyo warqad ay ku dhoofaan, sidoo kalena waalidka u doonaya caddeymaha caruurtooda u sameeyaan.
Safiir Xuseen Kawaaleye ayaa sheegay inay dad badan oo dib ugu laabanaya jabuuti u sameeyeen waqado ay ku dhoofaan. “Waxaan u samaynay waraaqo ay ku dhoofaan dad ku noqonaya jabuuti 73 qof, waxaan dadka qaata lacagta hawlgabka u caddaynay, waxaan waraaqaha meherka u caddaynay 43 muwaadiniin Jabuuti ah.” sidaa ayuu yidhi Safiirku.
Safiir Kawaaliye oo hadalkiisa sii watay, wuxuu yidhi; “Waxaan ugu horeyn hambalyo u dirayaa Madaxweynaha JSL Md Muuse Biixi Cabdi, Madaxweyne-xigeenka Md Cabdiraxmaan Saylici, xukuumada iyo shacab-weynaha Somaliland, dhamaantood waxaan leeyahay sannad wanaagsan oo bashbash iyo barwaaqo leh. Waxaan hawshaa u qabanay lana hadlayaa waa reer Jabuuti iyo reer Somaliland.”
Kawaaleeye oo baaq u jeedinaya muwaadiniinta reer Jabuuti ee degan Somaliland, ayaa yidhi; “Waxaan ugu baaqayaa muwaaddiniinta reer Jabuuti ee deggan Somaliland isa-soo-diiwaangeliya, si wax la idiinku qabto, isla markaana dawladda Jamhuuriyadda Jabuuti idiin ogaato.”
aftahaninc@gmail.com
Aftahannews.com
Hargeysa/Somaliland.
