Manchester City ayaa 6-1 ku xasuuqday kooxda Aston Villa oo marti loogu ahaa garoonka Villa Park iyadoo City ay ku soo laabatay kaalinta labaad ee kala sareynta horyaalka islamarkaana hogaanka Liverpool ay ka dhigtay 14 dhibcood.
Sergio Aguero oo saddexleey dhaliyay kulankii caawa ayaa dhigay rikoodh cusub oo Premier League ah isagoo noqday xiddig ugu saddexleyda badan taariikhda Premier League isagoo dhaliyay saddexleydiisii 12aad.
Rikoodhka Seddexleyda:
12 – Sergio Aguero
11 – Alan Shearer
09 – Robbie Fowler
Rikoodh kale uu jabiyay ayaa ah inuu noqday ajnabiga ugu goolasha badan taariikhda Premier League isagoo dhaliyay goolashiisii 177aad wuxuuna rikoodhkaan ka qaaday Henry oo ku hayay 175 gool.
Rikoodhka Gooldhalinta Ajnabiga
177 – Sergio Aguero
175 – Thierry Henry
144 – Robin van Persie
