Weriye C/risaaq Yuusuf Cali (Terra) oo Gabay Ka Tiriyey Dilkii Loo Geystay Weriye Tima-cadde

Filed under: Suugaanta & Dhaqanka |

IMAG0632

Gabay Gabay Cabdoow!

Geeraarka Tiri oo Gaydh Darteed

Ilmo gobo’da haay

Dhar guduudan xidho

Hengeloo gadhkiyo Goradiis ka xiir

Godka waxaa lagu gembiyey

Geesigii walaalkeen Timacadoo

waa lagu goblamay.

Talo way gudhaye, warka aan

Guntoo diiwaan gelshee

Waxa aanan garan

Gacantood Go’daye

Waxay kugu galeen

——

Gurigeed ba’yeey! Geeridu xumaa?

Gacaloow kolay Dembi maanad Gelin

Hawl maanad gabin, Geel maanad dhicin

Hantigoosad iyo gacandhaaf ma falin.

Waxaad Galabsatoo geeridan ku baday

Godka iyo Cidladu Gar Alle ma jirin.

Waanse kuu Gartoo,, waxa gaystay Niman

Gawsaha listoo, jidhku gaamuroo

Gaagaabtay oo Gadhmaleys ahoo

Dul galaalan oo Geyn-geyn leh oo

Garaadlaabe iyo cadaw gaamuraa.

=======

Waxa gaystay Niman, gobolkaagi

Googoostay oo midba gees xidhoo

Ku gabraartay oo gacal iyo xigaal

Dadka goor walba kun u gawracoo

Hadaan gorofyo dhiig. galabtii la siin

Gagaboo bakhtiya.

Waxa Geystay Niman halkii lagu goblamo

Gaaf iyo aroos isu giijiyoo geeridu la tahay

Guul ay dhasheen.

Waxa geystay Niman iimaanka Geed

Laga guud sudhoo Illaahay ka go’ay.

Waxa geystay Niman waxa ay galaan

Ama ay Gudaan weli aan la garan.

———————–

Gacaloow walal gefka waxa lahaa

Shacab gaabiyoo Gogol laga dhigtay.

Gar Allee mar buu Godka Aakhiraad

Guul uu yahay Guudkiyo ifkaba.

Hayeeshee Geesiyoow,

Geesi timacadoow,

Saaxiib gaar ahoow

Godka Aakhiruu ,Rabbi kuu gartoo

Guhaadiyo Dhibtuu, Guulle kula nacoo

Guryihii Janada gabdhihii ku jiray

Galadoodi buu ,alle kuu gartee,

Ana geesiyoow ,.Salaadaha gigiman,kaama gaabiyoo

Goor walbaa allaan,Gacmo hoos dhigtaa,

Gacaloow Walaal Gebogebo ahaan

Ga’ma oo jannada Salaan iiga gee

Gardaradu dadkay Godka Aakhiraad

U taxaabtay gebi..

 

You must be logged in to post a comment Login