Malta-(Berberanews)-Maxkamad ku taala Jazeerada Malta, ayaa waxay laba sano oo xadhiga ku riday nin Soomaali ah, ka dib markii lagu helay inuu u cago jugleeyay laba qof oo dumar ah, kana tirsan Booliska Malta.
Maxkamadda, ayaa waxay sheegtay in C/fataax Cabdi oo 20 sano jir ah in uu isku deyay, waxyeelo uu u geysto Booliska, maalintii shalay, isla-markaana ay Maxkamaddu ka bixisay jawaab deg deg ah.
Maxkamadda, ayaa sheegtay in C/fataax uu dhegxaan ku weeraray Booliska, xilli ay wateen gaadhi ay Ciidamada Boolisku leeyihiin.
Boolisku waxay sheegeen inay isku deyeen in C/fataax ay ka hor dhaqaajiyeen haweeney uu murun ka dhaxeeyay, taasina ay keentay cadhadii uu u qabay in Boolisku uu kala dul dhaco.
C/fataax, ayaa Maxkamadda ka hor qirtay in uu dembi galay, xilli Boolisku ay ka shaqeynayeen xasiloonida.
