Muqdisho (Aftahannews) – Madaxweynayaasha maamul goboleedyada Soomaaliya oo maalintii saddexaad shir uga socdo magaalada Muqdisho ayaa haatan kulan laleh Wakiilada Beesha Caalamka.
Waa kulankii ugu horreeyay ee si guud ah madaxweynayaasha shanta maamul goboleed ula kulmayaan beesha caalamka tan iyo markii ay dhawaan Muqdisho iskugu tageen.
Masuuliyiin ka tirsan maamul goboleedyada ayaa sheegay in kulankan lagaga hadlayo xal u helida marxaladda Soomaaliya ay marayso gaar ahaan Doorashada.
Wararka ayaa sheegaya in madaxweynayaashu is afgarad ka gaadheen arrimo dhowr ah oo hortaagnaa inuu dhaco shirkii dhexmari lahaa dowladda federalka Soomaaliya iyo dowlad goboleedyada.
Kulanka beesha caalamka kadib, waxaa lagu wadaa in madaxweynayaashu shir jaraa’id qabtaan islamarkaana ay ka hadlaan natiijooyinka kulamadooda.
aftahaninc@gmail.com
Aftahannews.com
Muqdisho/Soomaaliya.
