Farmaajo iyo Qoorqoor oo ka wadahadlay arrimaha doorashada

Filed under: Wararka |

Muqdisho (Aftahannews) – Madaxweynaha Dowlad Gobolleedka Galmudug Axmed Cabdi Kaariye QoorQoor oo kulan la qaatay madaxweynaha Soomaaliya Maxamed Cabdullaahi Farmaajo waxaa ay ka wada hadleen khilaafka wali ka taaggan qabsoomida doorashada dalka.

Madaxweynaha Dowlad Gobolleedka Galmudug ayaa toddobadyadii ugu danbeeyayba u muuqda in uu isku soo dhaweynayo madaxtooyada Soomaaliya iyo dhinacyada kale ee diidan doorashada gaar ahaan madaxweynaha dowlad gobolleedka Jubbaland Axmed Maxamed Islaam [Axmed Madoobe’]

Madaxweynaha Soomaaliya, Maxamed Cabdullaahi Farmaajo iyo Madaxweynaha Galmudug, Axmed Cabdi Kaariye

Madaxweynaha Soomaaliya, Maxamed Cabdullaahi Farmaajo iyo Madaxweynaha Galmudug, Axmed Cabdi Kaariye

Ilo xog ogaal ah oo kulanka ku dhaw ayaa sheegay in leyskula soo qaaday arrinta Gedo oo ah caqabada ugu weyn ee hor taaggan doorashada, waxaana lagu ballamay ayay wararku sheegayaan in Axmed Madoobey lagu qanciyo ka qeybgalka hannaanka doorashada iyadoo la xalinayo arrinta gobolka Gedo.

Madaxweyne Farmaajo ayaa horre kulan kan la mid ah waxaa uu ula qaatay madaxweynaha Koonfur Galbeed Cabdicasiis Xassan Maxamed Laftagareen oo ay isla soo qaadeen in Koonfur Galbeed bilowdo doorashada xubnaha Aqalka sare, waxaana isla maalintii shalay gaadhay magaalada Baydhabo xubno ka tirsan guddiga doorashada.

 

aftahaninc@gmail.com

Aftahannews.com

Muqdisho/Soomaaliya.

You must be logged in to post a comment Login