Dowladda Faransiiska oo Xidhaysa 76 Masaajid, 66 Muhaajirna dib ugu celinaysa dalalkoodii

Filed under: Wararka |

Paris (Aftahannews) – Dawladda Faransiiska ayaa sheegtay inay dib u eegayso masaajido tiro badan oo looga shakiyey xagsida ay hadalka u dhigeen, isla markaana dalkaasi Faransiiska laga mastaafurin doono mujaahiriin tiro badan.

Wasiirka Arimaha Gudaha ee dalka Faransiiska Gerald Darmanin ayaa sheegay inay bilaabayaan olole lagu qiimaynayo masaajidadaasi, isagoo carabka ku dhuftay in la xidhi doono 76 masaajid.

Dowladda Faransiiska oo Xidhaysa 76 Masaajid

Dowladda Faransiiska oo Xidhaysa 76 Masaajid

Wasiir Darmanin ayaa khamiistii maanta soo dhigay Twitter-ka waraysi uu siiyey Idaacada RTL radio, oo uu ku yidhi “Maalmaha soo socda waxaanu qaadi doonaa talaabooyin ku saabsan goobaha lagu cibaadaysto, hadii uu shaki soo galena waaanu xidhi doonaa.” Ayuu yidhi Wasiirka Arimaha Gudaha dalka Faransiiska.

Waxaanu intaasi ku daray in dib loo cilinayo 66 Muhaajir oo looga shakiyey Asal-Raacnimo. Dawladda Madaxweyne Emmanuel Macron ayaa marar badan kaga jawaabtay weeraro dhimasho keenay, waxaanu todobaadkan balanqaaday in si weyn loo burburin doono cadowga gudaha sida uu hadalka u dhigay.

 

aftahaninc@gmail.com

Aftahannews.com

Hargeysa/Somaliland.

You must be logged in to post a comment Login