Muqdisho: Xubno Al-Shabaab ah oo xukun dil lagu fuliyey

Filed under: Wararka |

Muqdisho (Aftahannews)- Maxkamada Ciidamada Qalabka sidda ee Soomaaliya ayaa saaka xukun dil toogasho ku filisay Maxamed Xaaji Axmed oo caan ku ahaa [Macalin Ilkacase] oo ay dowladdu ku tilmaamtay dilaagii ugu weynaa Al-shabaab iyo labo xubnood oo kale oo la shaqeyn jiray.

Macalin Ilkacase oo ka tirsanaa Ururka Al-shabaab ayaa gudaha iyo daafaha magaalada Muqdisho ka fuliyay dilal dhowr ah oo uu si layaab u leh u qorsheeyay, isaga oo dhinaca kalana ahaa Macalin Iskuul oo dadka bara Luuqada English -ka.

Marka laga soo taggo magaca Macalin Ilkacase sidoo kale waxaa uu ku shaqeysan jiray magacyo kale oo dhowr ah oo marar badan jahwareeriyay ciidamada Nabadsugida Qaranka ilaa ugu danbeyntii ay ogaadaan qofka magacyadan oo dhan iska leh in uu yahay Maxamed Xaaji Axmed.

Xubno Al-Shabaab ah oo xukun dil lagu fuliyey

Xubno Al-Shabaab ah oo xukun dil lagu fuliyey

Waxaa sidoo kale toogashadan lagu fuliyay Axmed Maxamed Haashim iyo Saalim Siciid Maxamed oo labaduba ka tirsanaa qeybta Amniyaadka Ururka Al-shabaab dilal kala duwanna ka geystay magaalada Muqdisho.

Maxkamadda Ciidamada Qalabka sida ee Soomaaliya ayaa 31-kii Bishii December ee sanadkii 2019 waxaa ay xukun dil toogasho ah ku riday Macalin Ilkacase iyo xubno kale, kuwaas oo maxkamadu sheegtay in ay dilal qorsheysan iyo weerar kal geysteen Magaalada Muqdisho.

 

aftahaninc@gmail.com

Aftahannews.com

Muqdisho/Soomaaliya.

You must be logged in to post a comment Login