Shirka 7-aad ee Golaha dhexe ee Kulmiye oo la Muddeeyey iyo Wargelin loo diray Xubnaha

Filed under: Wararka |

Hargeysa(aftahannews):- Shirka 7-aad ee Golaha dhexe ee Xisbil-xaakimka Kulmiye, ayaa loo muddeeyey inuu magaalada Hargeysa ka furmo 28-ka bishan October 2020-ka oo ku beegan maalinta Arbacada ah ee todobaadkan.

Qoraal wargelin ah oo Jimcaha maanta ka soo baxay Xarunta Dhexe ee Xisbiga Kulmiye, kuna saxeexan yahay guddoomiye ku-xigeenka Xisbiga Axmed Cabdi Dheere, ayaa lagu sheegay in maalinta Axadda ee toddobaadkan la shaacin doono liiska kama-dambaysta ah ee Xubnaha Golaha Dhexe, kuwaas oo loo samayn doono waraaqaha Aqoonsiga ah.

Waxa kale oo qoraalka lagu wargeliyey in xubnaha Golaha Dhexe ee ku soo baxa liiska kama-dambaysta ah ee maalinta Axadda la shaacin doono ay u diyaar-garoobaan qaadashada waraaqaha Aqoonsiga ah, ka hor inta aanu furmin shirka Golaha dhexe.

WARGELINTA GOLAHA DHEXE EE XISBIGA KULMIYE 2020

WARGELINTA GOLAHA DHEXE EE XISBIGA KULMIYE 2020

aftahaninc@gmail.com

Aftahannews.com

Hargeysa/Somaliland.

You must be logged in to post a comment Login