Dawladaha Uganda Iyo Tanzania Oo Kala Saxeexday Heshiis Shidaalka Ah

Filed under: Wararka |

Hargeysa, (Aftahannews)-Heshiiska waxaa saxeexay Madaxweynaha Tanzania John Magufuli iyo Madaxweynaha Uganda Yoweri Museveni (sawirku waa 2017)Image caption: Heshiiska waxaa saxeexay Madaxweynaha Tanzania John Magufuli iyo Madaxweynaha Uganda Yoweri Museveni (sawirku waa 2017)

Dalalka Tanzania iyo Uganda ayaa kala saxeexday heshiis oggolaanaya dhismaha dhuun shidaalka qaydhinka ah oo dhererkeedu gaadhayo 1,445 km (898 meyl).

Mashruucan oo ay ku kacayso lacag dhan $3.5bn (£2.7m) ayaa goobaha shidaalka ee Uganda ku xidhi doona dekadda Tanga ee Tanzania.Xafladda lagu kala saxeexday heshiiskan waxaa ka qeyb galay labada madaxweyne.

Goobo shidaal ayaa laga helay Uganda sannadkii 2006 balse soo saaridda shidaalka waxaa dib u dhigay iyadoo Uganda aysan lahayn hab u ay u dhoofiso.Weli lama shaacin xilliga la dhiso doono dhuuntan shidaalka oo noqon doonta tii ugu weyneyd Bariga Afrika.Waxaase laga digayaa in mashruucan uu saameyn ballaadhan ku yeelan doono bulshada Uganda.

Hay`adaha gargaarka ayaa ka digay in dhismaha dhuuntaasi shidaalka ay waxyeello gaarsiin karto kheyraadka dabiiciga ah.Shirkadda shidaalka ee Faransiiska laga leeyahay ee Total iyo shirkadda Shiinaha laga leeyahay ee CNOOC, ayaa hoggaanka u haya qorshaha dhismaha dhuunta shidaalka ee Uganda.

You must be logged in to post a comment Login