Maansada Geed-lab Qaran – Maxamed Jaamac Xaashi (Abwaan Boodhari)

Filed under: Aragtida Bulshada,Suugaanta & Dhaqanka |

Waa maanso baroordiiqa oo aan ka tiriyey geeridii Marxuum Xaaji C.kariin Xuseen (Cabdi Waraabe), oo ku geeriyoodey magalada Hargeisa 10-5-2019, kuna Beegnay 6-dii Ramadaan 1440 Hijriyada.

Maxamed Jaamac Xaashi (Abwaan Boodhari)

Maxamed Jaamac Xaashi (Abwaan Boodhari)

 

 

 

 

 

 

 

 

 

 

 

 

 

 

 

 

Inkastuu guyaal jiro

Guud ahaanba nooluhu

Ma gafaayo mawdkuyoo

Geeridu xaq weeyee

Geesi qiimo badaniyo

Gardaadshihi nabbadiyo

Geed lab qaran baa

Galabtaba baxoo

Soomaali gabbigeed

Geestii ay joogtaba

Gudcurba u dumayoo

Gabal baa u dhacay baas.

 

 

Hibadiisa guudiyo

Galaduu rag dheeraa

Aan gaar u sheegee

Arintaba haduu galo

Uu gorfeeyo xaajada

Milil guudka kama dhayee

Gunta nabarka hoosiyo

Gunaadku daweyn jirey.

 

 

Sama-doon garaadnimo

Guulaheen u dhaliyoo

Guurtinimo ku idishoo

Wada-jirka guudiyo

Midnimada gun iyo baar

In la gaadho jeceliyo

Guddonshuu ahaa Qaran.

 

Markay talo guracantee

Geedka looga yeedhana

Garyaqaanka dhaqankiyo

Sama-wade go,an adag

Xaajada ku gooyiyo

Guurtibuu ahaa Qaran.

 

Intuu goob colaadeed

Gacaliyo sokeeyiyo

Ilmadeer gayaan ahi

Hubka isku gurteen

U guntadey xalkoodoo

Goor danboo habeenimo

Socod guuro dheeriyo

Safar uu u galayoo

U ka baajay godobtiyo

Inay is gumaadaan.

 

Intee guux siyaasiyoo

Muran ina galin laa

Intuu maalay garashada

Go,aan wacan ka qaatoo

Uu soo gunaanadey.

 

Xisbiyadu gar-waaqsade

Shacbiguna garawsade

Geed lab Qaran inuu yoo

Xalku gaadho lagu Dego.

 

Guullow allow

Baryadaan gacmaha

Gabi taagnayee

Halyeyga galbadeed

Oofsatey galabta

Gurigii firfawsiyo

Janadaadi geeyo

Godkana u Nuur.

 

Guullow allow

Naxariista guudiyo

Raxmadaada gaarka

X.cabdi ku galadoo

Gurigii Firdawsiyo

Janadii ku geeyoo

Godkana u nuur.

Maxamed Jaamac Xaashi (Abwaan Boodhari)

Email:- boodhari_19@hotmail.com

Mobile:-063 4635984

You must be logged in to post a comment Login