Diridhabe (Aftahannews) – Waxaa magaalada Diri-dhabe ka furmay kulan ay isugu yimaadeen maamulada 5ta degaan ee bariga Itoobiya, iyo madax heer fadaraal sida Wasiiradda Nabadgalyada iyo Taliyaha Ciidanka Qaranka Itoobiya.
Sidoo kale kulankan ayaa waxaa degaanka Soomaalida uga qayb galay Madaxwaynaha Degaanka Soomaalida Mustafe Cagjar.
Wax-yaabaha lagaga hadlayo kulankan ayaa waxaa ugu wayn sidii wax looga qaban lahaa xaaladda nabadgalyada ee degaanadan, iyo sidii nabad galyo waarta looga dhex dhalin lahaa xuduudda degaanadan. waxaa sidoo kale la filayaa in Madaxwayne Mustafe Cagjar uu kulankan kaga hadlo dhibka lagu hayo Soomaalida dhex degta degaanada sida Oromiya, iyo sidoo kale Soomaalida Diridhabe oo markasta bar tilmaameed laga dhigto xilliyada ay rabshaduhu ka dhacaan Diridhabe.
Kulankan ayaa kusoo beegmaya xilli ay sii siyaadayso rabshadaha ka dhex dhaca meelaha xuduuda degaanadan isla markaana Soomaalidu ay noqdeen dadka uu dhibka u badan mar walba gaadho.
Aftahannews.com
Aftahaninc@gmail.com
