Qisadda Heesta Lagu Furo Idaacadda BBC-da Ee Socodkii Arraweelo

Hargeysa, (Aftahannews)-Heesta midhaheedu yahay “Dadkan Dhawaaqayaa” waxayna tahay heesta lagu furo idaacadda BBC-da oo loo yaqannaanay “ Socodkii Arraweelo, heestan oo uu laxanka iyo codkaba saaray Abwaan Maxamed Maxamuud Xirsi “Cabdilaahi Qarshe, heestan waxa alifay Abwaan Xuseen Aw Faarax Dubbad, halka uu muusikadana uu tumay Row oo ahaa nin Hindi oo ka tirsanaa kooxdii walaaha Hargeysa, heestani waxay soo baxday 18-July-sannadkii 1957-kii, heestan taariikhda ku leh gobanimo doonka soomaaliyeed waa heesta hadda miyuusiggeedu astaanta u yahay laanta af-somaaliga ee BBC-da, waa hees murti xambaarsan oo duco iyo guubaabin ah oo ka hal-tebinaysa dareenka dadkii gobannimadoonka ahaa, Abwaan Xuseen Aw Faarax Dubbad kaalin lama illaawaan ah buu ku lahaa halgankii gobannimadoonka Soomaaliyeed iyo kii ka dambeeyay maamul-toosinta ”lamana qaadan xornimada markii la sameeyay midhaha.

Heestaasina waxay ahayd:

Dadkaan dhawaaqayaa,

Dhulkooda doonayaa

Haddey u dhiidhiyeen

Allahayow u dhiib

Waxaan la dhuubnahee,

 Jidhkayga dhaaawacaan

 Idiin dhamaynayaa

 Dhego ma leedihiin

Misee dad dhoohanoo

Dhegeysan waanadoo

warkaygu dhaafayoo

Dhufaanan baad tihiin

Dhurwaaga meerayaa,

Haweenka dheddiga baa

 Dagaal ka dhawrsadee

 Dharaarta ay xun tahay

 Maxaad u dhuumataan

 Dhacaama jiirayaa

Dhereg ayuu sitaa

Dhurdaha duulayaa

Dhirtuu dalooshadaa

Malabka uu dhigtuu

Jilaalka dheer cuna

Qore :Garyaqaan Muxyadiin Maxamed Cabdi

Xigasho Waaberi