Sirta Heesta Isha Sacabka Mari! Qalinka Khadar-Jacayl

Hargeysa (Afhatannews)- Allaah naxariistii janno ha ka waraabiyo Cabdiqaadir Xirsi Siyaad oo ku magac dheeraa (Yamyam), ayaa intii uu noolaa wuxuu ka sheekeeyey qisada Heesta Isha Sacabka Mari ee ay ku luuqayso fannaanadda caanka ah, Allaah cimriga iyo caqliga-ba ha u barakeeyee Khadra Daahir Cige.

Abwaanku wuxuu sheegay in qisadda heestu ku timi sheeko uu nin saaxiib ahayeen uga sheekeeyey. Kadibna ninkii intii uu sheekadda ku jiray ilmo ka timi. Islamarkaanna uu sawirtay ninkii oo qalfoof laga dhigay, xiddidadiisunna u ekaadeen geed qalalay oo abaarsadday.

Abwaanku wuxuu sheegay in heesta uu sameeyey 1975-kii, heestunna siddaa ku hirgashay. Abwaanka oo arrimaha sharraxaya wuxuu yidhi“Heesta isha sacabka mari waxay soo baxday sannadkii 1975-kii. Nin aannu sheekaysanaynay ayaa iiga sheekeeyey jacayl dhab ah oo isaga helay , siduu u sheekaynayay ayaan waxaan arkay ilmo ka soo daadatay ninkii, ilmadiinaa waxay ku dhacday meesha wadnaha ku aadan.”Ayuu yidhi Yamyam waxaannu hadalkiisii sii raaciyay “Markaa waxa ii sawirmay ninkii oo qalfoof laga dhigay oo xididadiisu u egyihiin geedo qalalay oo abaaraystay. Marka sawiirkii uu muuqday ayaan is-dhi bigjarka ku dhufo ama sawir, oo waxaad wax ka samaysaa sawirka qofka qalalan ee xiddidiisu qalalan yihiin oo ilmadda jacaylku markay halka (Wadnaha) ku dhacdo halisteeda ayay leedahay sidaas bay heestaasi ku soo baxday.”

Haddaba Akhriste halkan ka dheeho Heesta:

Dadkoo ururayoo

Isu tagey dhammaan

Ma ogaan karaan

Mooyee isaga

Ayaaa waaay haaaa uga warrama

Aramidu inay eel dheer taqaan

Hadba waxaan arkaa

Anoo ay cidla ah

Eri dhaban sidiisii

Kuu ololayee

Ubax baan sidaa

Kuula soo ordee

Maad iga aqbali

Eedaad kalgacal

Adaa igu unkaye

Dhibtan mawga bixin

Kugu indha la’

Usha maad u qaban

Ifo faalo iyo saad aragti dheer

Sida awliyaan ku oddorosayaa

Ayaa way haa ilo biyo leh

Ku agmeerayoo

Oonku ka baaba’ayn

Garta odayada

La i soo dhigaa

Arji iyo aqoon

Afti kaa baxshee

Yay ku dhicin ilmadu

Dhir abaarsatee

Isha sacabka mari

Eedaad kalgacal adaa

Igu unkaye

Dhibtan mawga bixi

Naftan naftan ku oggolee

Kuu abaajitee

Kuu abaydintaa ee

Kugu indha la’

Usha maad u qaban.

aftahaninc@gmail.com

Khadar Jaamac Dirir (Khadar-jacayl)

Aftahannews.com

Hargeysa/Somaliland.