Maxkamad Sare oo ku taalla Ingiriiska oo xukun kale ku ridday Jabuuti

Filed under: Wararka |

London (Aftahannews)- Maxkamadda sare ee England iyo Wales ee magaalada London ayaa hore u sii wadaysa go’aankii 31-dii bishii Augst ee 2018-ka, kaas oo ahaa in shirkadda dekadaha ee dawladda Djibouti (“PDSA”) ka mamnuucaysa in aysan faragalin ku sameyn maamulka dekedda Doraleh.

Kadib markii 14-kii bishii Sabteembar ee 2018-ka ay maxkamadda dhagaystay dacwadda, taas oo PDSA aysan soo xaadirin maxkamadda, balse maxkamadda ayaa amartay in ay sii socoto dacwada ilaa amar dambe.

Amarka maxkamadda sare ayaa daba socday ka dib markii PDSA ay joojisay heshiiskii ay shuraakada kula ahayd DP World, iyo qabashada shirka aan caadiga ahayn ee ay isugu yeedhay hay’adda marsooyinka Jabuuti (PDSA) 9-kii bishan Sibtembar, si loo beddelo agaasimeyaashii ay u soo magacawday shirkadda DP World Terminalka Kontaynarrada Dooraale oo ay labada dhinac shuraako ku ahaayeen.

Marsada kontaynarrada ee Dooraale waa isha dhaqaalaha ugu badan uu ka soo galo Jabuuti

Maxkamadda ayaa sidoo kale amar ku bixisay in ay khasab tahay in PDSA ay xaqiijiso isbedel kasto oo ay ku sameenayso dekedda Dooraale ay ku saleeyso qoondada heshiiskii sida wada jirka ah loo saxeexay.

Taasi oo micneheedu yahay, in dawladda ama PDSA aysan koontorooli Karin ama aysan heshiis la gali Karin shirkad kale iyadoo aan lala socodsiin shirakadda DP World.

DP World ayaa toddobaadkii la soo dhaafay xaqiijisay in ay hore u sii wadi doonto waddo kasto oo sharciga ku saleeysan si ay u difaacato qoondadooda dekedda Dooraale.

Sanadkii 2016-kii heshiiska ganacsiga ee ay dawladda la gashay DP World ayaa waxaa lagu saleeyay sharciga Ingiriiska. Taasi oo micneheedu yahay in khilaafkasta oo ku salaysan heshiiskaas lagu xaliyo heshiis ay dhexdhexaad ka tahay maxakamadda LCIA.

Dekadda Dooraale waa isha dhaqaalaha ugu badan uu ka soo galo Jabuuti, waana halka ay shaqaalaha ugu badan ka helaan fursadaha shaqo.

Share Button

You must be logged in to post a comment Login