“Wadahadallada Soomaaliya Iyo Somaliland Waxba Ka Soo Bixi-Maayaan….”Cabdiweli Gaas

Filed under: Wararka |

Garowe (Aftahannews)- Madaxweynaha maamul gobolleedka Puntland Cabdi Wali Cali Gaas ayaa isaga jooga magaalada Brussels ee dalka Belgium -ka waxaa uu ku dhaliilay dowladda Soomaaliya habka ay u wajaheyso wadahaallada Somaliland.

Gaas ayaa sheegay in ay marka hore-ba qalad tahay in wadahadallada lagu sheego mid u dhaxeeya Soomaaliya iyo Somaliland, taasoo ka dhiggan ayuu yiri in ay wadahadalayaan Labo dowladood oo kale.

Wuxuu sheegay in uu u arkayo Somaliland gobollada Waqooyi oo wali ka mid ah Soomaaliya inteeda kale, sidaa daraadeed aysan jirin sida uu hadalka u dhigay sabab loogu ekeysiiyo in ay wada xaajoonayaan Labo dowladood.

Wuxuu sheegay in labada dhinac ee wada hadalaya midkood-na uusan laheyn awood uu ku gaadhi karo go’aan u gaar ah, isaga oo tusaale u soo qaatay ‘’Ma jiro Madaxweyne ama ra’iisal wasaare Soomaaliyeed oo oran kara Somaliland ha tagto, Muuse Biixi-na kuma qancin karo dadka dega Hargeysa iyo Burco Soomaaliya ayaan ku biireynaa, sidaa daraadeed waxaa ii muuqda in leys jahwareerinayo oo kaliya.

Cabdi Wali Gaas ayaa hadalkan sheegay munaasabad soo dhaweyn ah oo loogu sameeyay magaaalada Brussels oo lagu soo gabagabeeyay shirweynihii heerka caalami ee looga hadlayay arrimaha Soomaaliya.

Share Button

You must be logged in to post a comment Login