Hargeysa,(Aftahannews)- Koobka adduunka ayaa si rasmi ah u soo xidhmi doona maalinta Axada kadib markii ay isu soo baxeen labada xul ee wada ciyaari doona kulanka kama dambaysta koobka adduunka Russia 2018 kaas oo ahaa mid xiiso iyo xamaasad leh laguna raaxaystay.
Xulalka France iyo Croatia ayaa noqday labada xul ee kala qaadi doona koobka adduunka Qaybtiisa 21-aad iyada oo la arki doono xul cusub oo koobka ku guulaysta hadii Croatia qaado ama uu France qaadi doono markii 2-aad ee taariikhdiisa.
Kooxda Inter Milan ayaa taariikh cajiib ah ka dhigi doonta tartanka koobka adduunka Russia inksta oo ayna ka qayb-galayn.
Kooxda ka ciyaarta horyaalka Serie A-da Inter Milan ayaa ah kooxda kaliya ee uu xiddig uga qayb galay finalka koobka adduunka sannad kasta tan ilaa 1982-kii.
Haddaba waxaannu halkan idiinku soo gudbinayna dhamaan xiddigihii kooxda Inter Milan uga qayb galay finalka koobka adduunka tan ilaa 1982-kii.
1982: Bergomi
1986: Rummenigge
1990: Klinsmann
1994: Berti
1998: Ronaldo
2002: Ronaldo
2006: Materazzi
2010: Sneijder
2014: Palacio
2018: Perišic
Khadar Jacayl