Boorama(Aftahannews):- Guddiga doorashooyinka Somaliland, ayaa magaalada Boorama Khamiistii Maanta ku qabtay Munaasibad ay ku shaaciyeen bilawga qaybinta Kaadhadhka Cod-bixinta doorashooyinka ee gobollada Saaxil, Awdal iyo 12 goobood oo ka tirsan deegaanka Xeebaha ah ee gobolka Sanaag, taasoo si rasmi ah u bilaabmi doonta Sabtida oo ay Bishan April tahay 29 sannadka 2017.
Munaasibaddaa lagu shaaciyey bilawga Kaadh-qaybinta gobolladaas, waxaa ka qaybgalay Hoggaamiyeyaasha Xisbiyada UCID, Kulmiye iyo Waddani, Wasiirro Xukuumadda ka socda, Siyaasiyiin, Saraakiil Hay’adaha caalamiga ah qaarkood ka socda, Wakiillada dawlado Dhawr ah iyo Xubno Qaadhaan-bixiyeyaasha Beesha Caalamka ka tirsan iyo Marti-sharaf kale.
Waxaa Xafladdaa hadallo ka jeediyey Masuuliyiinta Guddiga doorashooyinka iyo Madaxda Saddexda Xisbi oo ka warramay Muhiimadda qaadashada Kaadhadhka Cod-bixintu u leeday Dadka iyo Dalka, iyaga oo ah kuwa ay Shacabku ku soo xulanayaan Cidda ay Hoggaamintooda ku aamminayaan Mustaqbalka dhaw ama doorashada Madaxtooayda oo u muddaysan 13-ka bisha 11-aad ee sannadkan 2017-ka.
Haddaba, Munaasibaddaasi sidii ay u dhacday, Sharraxaadda goobaha diiwaangelineed ee Kaadhadhka Cod-bixinta lagu qaybin doono, Baaqyada ay Masuuliyiinta iyo Siyaasiyiinta kala duwani Bulshada u jeediyeen iyo qodobbada kala duwan ee ay ka hadleen-ba, waxaannu idiinku soo gudbinaynaynaa Muuqaalkan hoose ee Daawasho wacan oo wanaagsan:-
aftahaninc@gmail.com
Aftahannews.com
Hargeysa/Somaliland.