Kampala(Aftahannews):- Shirkadda Caalamiga ah ee Xawailaadda Lacagaha ee Dhabshiil Group oo kaashanaysa Hay’ado caalami ah, ayaa fulisay mashruuc ay ku maalgalinayso Dhalinyaro Soomaaliyeed oo Qaxooti ku ah waddanka Uganda.
Shirkadda oo kaashanaysa Hayadaha UNHCR iyo American Refugee Committee, ayaa kahirgaliyay dalka Uganda Mashruuc loogu talagalay in lagu maalgeliyo fikradaha cusub ee Ganacsi noqon kara.
Fikradahan oo ay soo diryaarsanayeen dhalin yarta ku jirta Navikale Camp ee kuyaalla dalka Uganda. Ujeedadda mashruucan ayaa ah sidii kor loogu qaadi lahaa heerka Dhaqaale – Bulsho ee ku dhaqan goobtan.
Mashruucan oo loogu magac daray “Change Makers” ayaa in kabadan 800 oo dhalinyaro qaxooti ah lawaydiiyay inay soo bandhigaan fikrado ganacsi oo isbadal horumarineed ku samaynkara noloshooda.
Waxa lasoo bandhigay in kabadan 1,500 oo fikir ganacsi , iyada oo 30 kii u wanagsanaana lagu abaal mariyay xaflad si heer sare loosoo agaasimay, taas oo kadhacday Magaalada Kampala.
Maareeyaha Guud ee Shirkadda Dahabshiil Abdirashid Duale oo kamid ahaa marti sharaftii ugu sareysay ee kasooqayb gashay munaasabadda ayaa kahadlay goobta , isaga sheegay muhiimadda ay leedahay in lataageero dhalinyarta qaxootiga ah , lana siiyo fursad ay horumar ku samayn karaan noloshooda.
“Abaalmarinta mashruucan waxay siinaysaa dareen lahaanshiiyo iyo farxad, sidookale waxa ay siinaysaa rajo ay kaga maarmi karaan Camp kan.” ayuu yidhi Ducaale.
Waxa uu ku daray; “Hal-abuurka dhalinyarta halkani waa mid heer sare ah. Waxay muujisay dhiiranaanta isku kalsooni ay qabaan inay kabaaxad wayntahay dhibka haysta. Arrintani waxay ka caawin doontaa inay dalkoodii ku laabtaan iyaga oo waxqabsaday oo leh sharafta ay u qalmaan.”
13 dhalinyar qaxooti ah ayaa lagudoonsiiyo Abaal marinno , kataraysa inay fuliyaan fikradahay soo bandhigeen. Madashan waxa si balaadhan u taageeraysay xafiiska Raysal Wasaaraha, dalka Uganda.
John Bosco Sentamu, oo ah wakiil kasaocday Xafiiska Raysal Wasaraha ayaa sheegay in Dawladda Uganda ay maalinkasta qaabisho in kabadan 2,500 oo qaxooti ah oo kayimaadda dalalka jaarka ah, dawladdana waxa ka go’an sidii ay wax ugu qaban lahayd.
Xigasho Hadhwanaagnews.com.
